GL Group-un Qrup Baş İcraçı Direktoru və Məşvərət Şurasının sədri Asif Zeynalovun rəhbərlik etdiyi nümayəndə heyəti Baker Hughes şirkətinin Bakıda təşkil etdiyi “Quyu tikintisi texnologiyalarının təqdimatı” tədbirində iştirak edib.
Asif Zeynalov çıxışında Bakı Enerji Forumunda səsləndirdiyi fikri bir daha vurğulayaraq, əməkdaşlığın Azərbaycanın neft-qaz sektoru üçün rəqabət üstünlüyü yaratdığını bildirib. O, operatorların öz aktivləri barədə biliklərini texnologiya şirkətlərinin bilik və təcrübəsi ilə birləşdirmək üçün əməkdaşlığa erkən mərhələdə başlamağın əhəmiyyətini qeyd edib. Bu əməkdaşlığın texniki və kommersiya baxımından əsaslandırılmalı olduğunu vurğulayıb.
GL Group ilə Baker Hughes arasında 2026-cı ilin iyulunda ABŞ-də imzalanmış xidmətlər üzrə beşillik strateji əməkdaşlıq sazişi iki şirkət arasında daha sıx texniki əməkdaşlıq vasitəsilə bu yanaşmanın praktikada tətbiqi üçün çərçivə yaradır.
