GL Technical Services (GLTS) neft və qaz sənayesinə xidmət göstərmək üçün yüksək keyfiyyətli quyu müdaxiləsi, əsaslı təmir və geofiziki karotaj həlləri təqdim edir. Müasir əsaslı təmir qurğuları, qabaqcıl geofiziki karotaj texnologiyaları və bu sahələrdə ixtisaslaşmış peşəkarlardan ibarət komandası ilə GLTS təhlükəsiz, səmərəli və xərcləri optimallaşdıran əməliyyatlar həyata keçirərək quyuların istismar göstəricilərini artırır və yataqların məhsuldarlığını maksimuma çatdırır.
Əsaslı Təmir Xidmətləri
GLTS müxtəlif quyu təmiri, müdaxiləsi və hasilatın optimallaşdırılması üzrə etibarlı həllər təqdim edən qabaqcıl əsaslı təmir qurğularına malikdir. 550 at gücündə (HP) 100 tonluq qazma və əsaslı təmir qurğusu 4500 metr dərinliyə qədər quyularda əsaslı təmir işləri üçün nəzərdə tutulub. Dörd ədəd 350 at gücündə (HP) 60 tonluq əsaslı təmir və xidmət qurğusu 3200 metr dərinliyə qədər orta dərinlikli əməliyyatları dəstəkləyir.
Qoşa boru bağlama imkanları olan, qabaqcıl köməkçi avadanlıqlar və fırlanma qurğusu ilə təchiz olunan bu qurğular əsaslı təmirin bütün mərhələlərində yüksək dəqiqliyi və səmərəliliyi təmin edir.
Təcrübəli əsaslı təmir komandaları və 24/7 əməliyyat dəstəyi ilə GLTS əməliyyat səmərəliliyini artırır və quyuların bütövlüyünü qoruyur.
Geofiziki Karotaj Xidmətləri
GLTS ABŞ istehsalı olan geofiziki karotaj stansiyaları ilə təchiz olunmuş, istismar kəmərində, boruda karotaj (cased-hole logging) və quyu diaqnostikası üçün geniş həllər təqdim edir. Bu xidmətlər layların qiymətləndirilməsi, quyu bütövlüyünün yoxlanılması və hasilat monitorinqini dəstəkləyərək dəqiq məlumatların əldə olunmasına imkan yaradır.
GLTS-in geofiziki karotaj imkanlarına aşağıdakılar daxildir:
- Sement bütövlüyünün təhlili
- Quyudibi istiqamətin dəqiq ölçülməsi
- Hasilatın monitorinqi və məhsuldarlığın təhlili
- İstismar kəmərinin qiymətləndirilməsi üçün Çoxbarmaqlı Kaliper Alətləri (MFC 24 & MFC 40)
- Təhlükəsiz quyu müdaxiləsi üçün Partlayıcısız Quraşdırma Alətləri
- Körpü pakerlər, Sement Tutucular və Sement Boşaltma Alətləri
- PNN (RSA aləti)
GLTS-nin peşəkar karotaj mütəxəssisləri dəqiq diaqnostika və əməliyyat tələblərinə uyğunlaşdırılmış müdaxilə həlləri təqdim edir.
Məsləhət Xidmətləri
GLTS quyu məhsuldarlığını artırmaq və yataq əməliyyatlarını optimallaşdırmaq üçün ixtisaslaşmış məsləhət xidmətləri təqdim edir. Müdaxilə və tamamlama sahəsində peşəkar ekspertlərimiz yataqların qiymətləndirilməsi, quyu bütövlüyünün təhlili və xərcləri optimallaşdıran strategiyaların işlənib hazırlanması sahəsində əməliyyat şirkətlərinə dəstək göstərir.
Şirkətimiz tərəfindən göstərilən əsas məsləhət xidmətlərinə aşağıdakılar daxildir:
- Mövcud quyuların gələcək inkişafı və bərpası üçün texniki qiymətləndirmə
- Quyuların məhsuldarlığının artırılması üçün məlumatların toplanması və təhlili
- Tamamlama mühəndisliyi və icrası
- Qəza-ləğvetmə əməliyyatlarının təşkili və icrası
- Qazma və əsaslı təmir işlərinə sahə nəzarəti
Quyu müdaxiləsi və tamamlama sahəsində dərin biliklərə malik GLTS əməliyyat səmərəliliyini maksimuma çatdıran və quyuların istismar müddətini uzadan praktiki, xərcləri optimallaşdıran və nəticəyönümlü həllər təqdim edir.
