Nahid Nuriyevin 1 dekabr 2025-ci il tarixindən etibarən GL Group-un afilə şirkəti Taghiyev Operating Company-nin (TOC) Baş meneceri vəzifəsinə təyin olunduğunu məmnuniyyətlə bildiririk.
Nahid Nuriyev hazırda TOC-də Baş menecerin əməliyyatlar üzrə müavini vəzifəsində fəaliyyət göstərir. Yeni vəzifəsində o, GL Group-un Azərbaycanda Əməliyyatlar üzrə Qrup Baş vitse-prezidenti Elman Seyidovun tabeliyində fəaliyyət göstərəcək.
O, istehsalat əməliyyatları üzrə geniş təcrübəyə və güclü liderlik bacarıqlarına malik, neft-qaz sənayesində 18 illik peşəkar fəaliyyət yolu olan əməliyyat rəhbəridir. Onun dərin texniki bilikləri, sahə təcrübəsi və əməliyyat mükəmməlliyinə olan prinsipial yanaşması indiyədək TOC-un fəaliyyətinin inkişafında mühüm rol oynayıb. Bu peşəkar keyfiyyətləri onun rəhbərliyi altında şirkətin inkişafını daha da sürətləndirəcək.
Nahid Nuriyev Azərbaycan Dövlət Neft Akademiyasında Neft Geologiyası üzrə bakalavr, Ukraynanın İvano-Frankivsk Neft və Qaz Milli Texniki Universitetində Neft və Təbii Qaz Mühəndisliyi, neft və qaz yataqlarının işlənməsi üzrə magistr dərəcəsi təhsili alıb. Əminik ki, onun rəhbərliyi altında TOC-un fəaliyyət göstəriciləri və əməliyyat etibarlılığı daha da möhkəmlənəcək.
Nahid Nuriyevə yeni təyinatında uğurlar arzulayırıq!
