GL Group-un törəmə şirkəti olan GL İnvestment "Azərbaycan Respublikasında "Kürsəngi" və "Qarabağlı" neft yataqlarının daxili olduğu blokun reabilitasiyası, kəşfiyyatı, işlənməsi və hasilatın pay bölgüsü haqqında" Saziş və bu neft yataqlarının əməliyyat şirkəti olan Salyan Oil Limited-də 50% paya sahibdir.
“Kürsəngi” və “Qarabağlı” neft yataqları Azərbaycanın quruda yerləşən ən böyük neft yataqlarındandır. Bakıdan 125 km cənub-qərbdə, Kür hövzəsində yerləşən bu yataqlar 1960-cı illərin əvvəllərindən istismardadır. “Kürsəngi” və “Qarabağlı” yataqlarının müqavilə sahəsi təxminən 450 km²-i əhatə edir.
