Oktyabrın 25-də GL Group-un afilə şirkəti “Salyan Oil” şirkəti Salyan rayonundakı əməkdaşları ilə birgə 25 illik yubileyini qeyd etdi.
Mərasimdə GL Group-un Azərbaycandakı əməliyyatlar üzrə Baş vitse-prezidenti Elman Seyidov və “Salyan Oil” əməliyyat şirkətinin Baş meneceri Ramil Əsgərov çıxış ediblər. Həmçinin, Vətən müharibəsi iştirakçısı Ramil Kərimovun və şəhid olmuş qəhrəmanın ailə üzvü Vüsal Həmidovun şirkətdəki fəaliyyətləri ilə bağlı yaddaqalan təcrübələrini və təəssüratlarını bölüşmələri tədbiri daha da zənginləşdirib.
Bu əlamətdar hadisəni qeyd etmək üçün “Salyan Oil” yeni loqosunu əməkdaşlara təqdim edib. Tamariks ağacından ilhamlanan loqo möhkəmlik və böyüməyi, “Salyan Oil”un son 25 ildəki fəaliyyətini müəyyən edən dəyərləri simvollaşdırır.
Bayram tədbiri “Salyan Oil”un davamlılığa sadiqliyini vurğulayan yubileyə həsr olunmuş ağacəkmə təşəbbüsü ilə yekunlaşıb.
