Mark Soyer

Mark Soyer 2025-ci ilin yanvar ayında GL Group-un Məşvərət Şurasının üzvü təyin edilib.

Cənab Soyer GL Group komandasına 2019-cu ilin avqust ayında Biznesin İnkişafı üzrə vitse-prezident kimi qoşulub. 2024-cü ildə o, Biznesin İnkişafı və Kommersiya üzrə Baş Müşavir təyin olunub. O, GL Group-un Salyan Oil və Taghiyev aktivlərinin, eləcə də Gazelle Energy şirkətində 25%-lik payın əldə olunması proseslərinə rəhbərlik edib.

Mark Soyer enerji sektorunda 42 illik geniş beynəlxalq təcrübəyə malikdir. O, ARCO şirkətində müxtəlif rəhbər vəzifələrdə çalışıb, o cümlədən Beynəlxalq LPG Biznes Bölməsinin İcraçı Direktoru, Qlobal Enerji Layihələrinin İnkişafı üzrə Vitse-prezident və Beynəlxalq Layihələr üzrə Danışıqlar Meneceri vəzifələrində çalışıb. Daha sonra Dubai Energy şirkətində Biznesin İnkişafı üzrə Baş Direktor, son olaraq isə Dragon Oil şirkətində Yeni Layihələr və Biznesin İnkişafı üzrə rəhbər vəzifədə çalışıb. O, 28 ölkədə uğurla həyata keçirilmiş sövdələşmə təcrübəsinə malikdir.

Cənab Soyer ABŞ-ın Georgetown Universitetinin Xarici Xidmətlər Məktəbində Beynəlxalq İqtisadiyyat üzrə bakalavr dərəcəsinə və Pensilvaniya  Universitetinin Uarton Məktəbində Maliyyə üzrə Biznesin İdarəolunması üzrə Magistr dərəcəsinə malikdir. O, həmçinin Böyük Britaniyanın Oksford Universitetində və ABŞ-ın Harvard Biznes Məktəbində rəhbər kadrlar üçün ixtisasartırma proqramlarını uğurla başa vurub.