2019-cu ilin aprel ayının 15-də təsis olunmuş GL şirkəti əhəmiyyətli dərəcədə böyüyərək 1 may 2024-cü ildə şirkətlər qrupuna çevrildi. Azərbaycanın enerji sənayesində ilk özəl şirkətlər qrupu olan GL Group istismarda olan aktivlər üzrə güvənli seçim tərəfdaşı kimi tanınır.
GL Group-un rəhbərlik komandası neft-qaz sahəsində geniş beynəlxalq təcrübəyə malik olan mütəxəssislərdən ibarətdir. GL Group strateji aktivlərin əldə edilməsi və sərmayələr vasitəsilə mükəmməlliyi təmin etməyi və mühüm dəyər yaratmağı öhdəlik olaraq üzərinə götürüb.
GL Group Azərbaycanda beş mühüm yataqda, o cümlədən Salyan rayonunda “Kürsəngi” və “Qarabağlı”, Abşeron yarımadasında “Buzovna-Maştağa”, “Qala”, “Zirə” yataqlarında neft-qaz əməliyyatları həyata keçirir.
2021-ci ildə GL, Çin Milli Neft Korporasiyasının Salyan Oil Limited şirkətindəki payını aldı. 2022-ci ildə GL daha da böyüyərək SOCAR-dan üç neft-qaz yatağı aldı və Tağhiyev Operating Company-ni yaratdı. 2022-ci ilin sonlarında GL, ilk növbədə peşəkar neft yataqları xidmətləri, o cümlədən quyuların karotaj tədqiqatı və texniki xidməti, eləcə də quyuların təmiri qurğusunun istismarı xidmətləri sahəsində ixtisaslaşmış GLTS adı ilə tanınan "GL Technical Services" şirkətini təsis etdi. GLTS həmçinin enerji sənayesindəki digər xidmətləri də daxil etmək üçün biznes axınının şaxələndirilməsinə diqqət yetirir.
GL şirkəti 2024-cü ilin birinci yarısında Buzovna-Maştağa, Qala və Zirə neft yataqlarında altı yeni quyunun hamısının qazılmasını minimum icbari iş proqramı çərçivəsində insidentsiz, ətraf mühitə sıfır zərərlə və ən qısa müddətdə uğurla başa çatdırıb. Həmçinin, 2023-cü ildə GL-in törəmə şirkəti olan Taghiyev Operating Company-nin istismar etdiyi, yuxarıda qeyd olunan yataqlarda neft hasilatının azalma tempini 15%-dən çox dayandırmağa nail oldu və həmin ilin əvvəli ilə müqayisədə gündəlik hasilatı 10%-dən çox artırdı.
Bundan əlavə, GL özünün afilə şirkəti olan Salyan Oil Limited vasitəsilə “Kürsəngi” və “Qarabağlı” neft yataqlarında on doqquz il davam edən hasilat azalmasını dayandırdı və hasilat həcmini artırmağa başladı. Bütün bunlara böyük kapital qoyuluşu olmadan əməliyyat səmərəliliyi proqramları vasitəsilə nail olundu.
2025-ci ildə GL Group Azərbaycan tarixində ilk dəfə olaraq quruda yerləşən dərin neft laylarına çatmaq üçün 4400 metr dərinlikdə planlaşdırılmış yanal uzunluğu təxminən 400 metr olan üfüqi neft quyusu qazacaq. Qeyd olunan üfüqi quyunun qazılması Salyan rayonundakı “Kürsəngi” və “Qarabağlı” yataqlarında qazma işlərində yaranmış 14 illik fasiləyə son qoyacaq və həmin yataqlarda üç yeni mürəkkəb dərin quyunun qazılmasını nəzərdə tutan daha iri miqyaslı qazma təşəbbüsü çərçivəsində yerinə yetiriləcək. 2024-cü il dekabr aynın əvvəlində GL Group həm yerli, həm də beynəlxalq qazma şirkətlərini dəvət edərək qazma xidmətləri üçün tender elan etdi. Qazma işləri çərçivəsində GL Group-un Azərbaycanın neft-qaz sektorunda innovasiya və əməliyyat mükəmməlliyinə nail olmaq hədəflərini dəstəkləyən yeni texnologiyalardan istifadə ediləcək.
GL Group mövcud səmərəli aktivlərin əldə edilməsi və onların hasilatının optimallaşdırılması istiqamətində sərmayə qoyur. Beləliklə, 2024-cü ilin oktyabr ayında GL Group Türkiyədəki təbii qaz biznesinə daxil olaraq ilk beynəlxalq strateji addımını atdı. GL Group-un regional orta ölçülü enerji şirkəti olmaq strategiyasına əsaslanan bu addım onu beynəlxalq enerji oyunçusuna çevirdi.
2024-cü ildə GL Group Türkiyənin şimal-qərbində Trakya hövzəsində (Thrace Basin) yerləşən F17-b4 blokunun 100% mülkiyyətçisi olan və lisenziyasının operatoru olan Kanada şirkəti Gazelle Energy Limited şirkətində 25% səhm payını aldı. 145 km² ərazini əhatə edən bu blok 65 milyard kub fut (2P) qaz ehtiyatı kəşf olunan və artım potensialı olan qaz ehtiyatlarının qiymətləndirilməsi/işlənməsi layihəsidir.
GL Group beynəlxalq standartları və texnologiyaları qəbul etməklə hasilatda və insanların və ətraf mühitin mühafizəsində mükəmməlliyə nail olmağı öhdəlik olaraq üzərinə götürmüşdür. Təməlində beynəlxalq standartlara və qabaqcıl texnologiyaya sadiqliyi qoruyan GL Group, nəinki gözləntilərə cavab verən, həm də onları üstələyən hasilat mükəmməlliyinə nail olmağa çalışır. GL Group-un əməliyyatları hər addımda səmərəliliyi və innovasiyanı təmin edən dəqiq Əməliyyat İdarəetmə Sistemi (OMS) vasitəsilə idarə olunur.
